Давуу тал:

• Ургалтын явцад таримал ургамлыг найдвартай хамгаална.
• Бодисын үйлчилгээ хурдан бөгөөд хамгаалах хугацаа урт.
• Ургамлын өсөлтийг дэмжих ба төрөл бүрийн өвчнөөс сэргийлэх тул тарианы чанарыг сайжруулдаг.
• Гуалалт, зэв, толбожилт зэрэг олон төрлийн ургамлын өвчний эсрэг таримал ургамлыг хамгаална.

Үйлчлэх механизм:

  Бодис нь ургамлын навч, ишээр дамжин ургамалд тархдаг. Ургамлын өвчин үүсэлтийг дарангуйлах үйлчилгээ үзүүлэх ба 3-7 хоногийн хугацаанд шинж тэмдэг илэрнэ. Бодисыг цацсанаас хойш таримал ургамал, цаг агаар, ургамлын өвчин зэргээс хамаарч 21-40 хоног хамгаалах үйлчилгээ үзүүлнэ.

Хадгалах хугацаа:

  Үйлдвэрлэснээс хойш битүүмжилсэн, гэмтэлгүй саванд -10°C-ээс +35°С хүртэлх температурт нарны тусгалаас хол, хуурай орчинд 2 жил хадгална.

Бодисыг ашиглах үед анхаарах зүйлс:

• Ажлын уусмалыг бэлтгэхдээ шүршигчийн бакийн 1/2-д ус хийгээд нормд заасан хэмжээний бодисыг нэмж хийнэ. Үүний дараагаар шүршигчийн холигчийг ажиллуулан бакийг усаар дүүргэж тухайн өдөртөө талбайд цацаж хэрэглэнэ.
• Бодисыг дангаар хэрэглэх нь зүйтэй ба хэрэв өөр бодистой хамт хэрэглэх тохиолдолд физик химийн нийлэмжтэй байдлыг шалгаж үзэх хэрэгтэй.
• Таримал ургамлыг хортон шавж гэмтээсэн, хүчтэй бороо, мөндөр орсон, хэт халуун болон хүйтнээс болж гэмтсэн байгаа нөхцөлд ашиглахгүй байх хэрэгтэй.
• Цаг агаар халуун нөхцөлд бодисыг хэрэглэхдээ өглөө болон оройн сэрүүн цэгт цацах нь илүү үр дүнтэй. Бодисыг хэрэглэснээс хойш 4-6 цагийн дотор бороо орохгүй, шүүдэр буухгүй байх цагийг сонгож бодисыг цацна.
• Бодисыг салхины хурд 2-3 м/с хүртэл байх үед цацах нь үр дүнтэй.