Давуу тал:

• Буудайн тарималд үр дүнтэй ба хог ургамалд өндөр сонгомол үйлчилгээ үзүүлдэг.
• Үйлчлэгч бодис нь Феноксапроп-П-Этил бодисыг 140 гр/л болон Антидот 35 гр/л агуулсан тул зарцуулалтын хэмжээ бага.
• Таримал ургамлын хөгжлийн үе шатаас үл хамааран ашиглах хугацааны цар хүрээ өргөн.
• Хөрсний дээр гарсан, ургаж буй хог ургамалд хүчтэй, хурдан үйлчилгээтэй.
• Маш өргөн хүрээнд бусад бодистой нийцдэг, хамт хэрэглэхэд үйлчилгээ буурдаггүй.

Үйлчлэх механизм:

  Бодисыг ашигласнаас хойш 1-3 цагийн дотор ургамлын дээрхи хэсгүүдээр нэвтрэн орж өсөлтийн цэгт хүрдэг. Өсөлтийн цэг үхэжсэнээр ургамлын өсөлт зогсон улмаар үхэлд хүрнэ. Хог ургамлын ургасан байдал, цаг агаарын нөхцлөөс хамааран бодисын үйлчилгээ 4-7 хоногийн хугацаанд илэрч улмаар 10-15 хоногийн хугацаанд хог ургамлыг бүрэн үхэлд хүргэнэ.

  Бодисын үйлчилгээ ургамлын дээрхи хэсгүүдээр дамжин үйлчилдэг онцлогоос хамааран бодисыг цацсанаас хойш цухуйсан хог ургамалд үйлчлэхгүй. Харин дахин хэрэглэж болно.

Хадгалах хугацаа:

   Үйлдвэрлэснээс хойш -10°C-ээс +30°С хүртэлх температурт нарны тусгалаас хол, хуурай орчинд 2 жил хадгална.

Бодисыг ашиглах үед анхаарах зүйлс:

- Ажлын уусмалыг бэлтгэхдээ шүршигчийн бакийн 2/3-д ус хийгээд нормд заасан хэмжээний бодисыг бага багаар урсган хутгаж хийнэ: Канистранд байгаа бодисыг цэвэр ус хийн сайтар хутгаад савруу нэмж хийнэ. Үүний дараагаар шүршигчийн бакийг усаар дүүргэж сайтар хутган, тухайн өдөртөө талбайд цацна.

- Феноксапроп-П-этил + Антидот нь хөдөө аж ахуйн бусад песдицидүүдтэй хэрэглэхэд нийлэмжтэй байдаг бөгөөд бодисуудын физик химийн нийлэмжтэй байдлыг урьдчилан шалгаж үзэх шаардлагатай.

- Бодисыг хэрэглэхдээ үет ургамлууд 2 навчтай байх үеэс эхлэн хэрэглэх нь тохиромжтой ба үйлчлэх онцлогоос хамааран нэг наст үет ургамлуудын ихэнх масс гарсан үед хэрэглэх нь үр дүнтэй.

- Таримал ургамал хүчтэй бороо, мөндөр, ган, халуун, хортон шавж, өвчний улмаас стресдсэн үед хэрэглэж болохгүй.

- Талбай дээрх овсюгийг устгахын тулд овсюгийн бутлахаас 7 хоногийн өмнө бодисыг талбайд цацах шаардлагатай.

- Бодисыг цацсанаас хойш 4-6 цагийн дотор бороо орох, их хэмжээний шүүдэр буух төлөвтэй байвал бэлдмэлийг цацах хэрэггүй. Бороо нь навчис дээрх бэлдмэлийг уусган сулруулж, түүний үр нөлөөг бууруулдаг.

- Бодисыг зориулалтаас өөр таримал ургамал болон ойн зурваст оруулахгүй байх, талбайн зөвхөн нэг хэсэгт үйлчлүүлэхгүйн тулд салхины хурд 4 м/с-ээс бага байхад ашиглах хэрэгтэй.

- Цаг агаар халуун гандуу нөхцөлд бодисыг өглөө юм уу орой цацах нь илүү үр нөлөөтэй. Их хуурай гантай үед бодисыг хэрэглэснээр бодисын үйлчлэл буурна.